رواية و دق قلب الحجر بقلم ميفو السلطان

لو عوزت حاجه باخدها وتاني اصحك تجفي في طريجي ما هعديهاش وانت عارفه بدر 
هتفت حرام عليك البت طيبه بعد عنيها هاتلك واحده بالعرفي غيرها البنته كتير 
هتف واني رايدها وبس مالكيش صالح عرفي رسمي من غير خالص ماتتدخليش واحفظي ادبك وبعدي عن سكتي وتركها ورحل 
لتقف مشتعله بقي اكده طيب يا بدر لاه كفايه عليا سكات لاكده والله لاطربجها عليك يا بدر واحرج جلبك يلا يا سمر جهزي حالك واهبليه الارل وادوري واحرجيله جلبه صوح جايلك حرجه جلبك يابن العابد 

ودق قلب الحجر 
حكايات mevo 
البارت الرابع عشر كانت اميمه تقف مع امها لتقترب منها عامله ايه يا بتي مع راجلك 
تنهدت هعمل ايه ياما جوزتوني واحد مخبول في الاول جالي مش رايد الجوازه ودلوك بيلفلف كيف المخبول ورايدها وبيجولي مشي عيشتك 
هتفت نجيه طب وماله يا بتي راجل زين كرم واعر بس راجل 
قالت پغضب واني بقه تحت امره اياك يجهرني ليله فرحي ويرجع يجول رايد 
هتفت نجيه الله يحرجه التار يا بتي بيجلب الراجل عفريت اهو رجع وعازك اهه 
هتفت واني مش عايزاه مش بكيفه يا أماي اني اتهنت 
هتفت امها ولفلفته حواليكي دي مش مراضيه الاهانه انت بس لوعيه ولعبيه اكده وخليه ينجن عليكي كرم راجل وكويس والبنته بتدور عالراجل ده بمنكاش هو بس كان محروج هو كيف بدر اخوكي طور بينطح اجول ايه ربنا يهديه للبت اللي دخلت حياته 
هتفت اميمه صوح يا اماي مين دي 
هتفت امها اجولك بس في سرك الدكتوره صبا بيلفلف حواليها كيف الدبور 
هتفت اميمه صوح اكده والا هيرجع يلعب بديله 
لتهتف لاه دا اول مره يخليني اكلم بت يعرفها وعيونه بتشع اكده ولما بتكون بعيد عيونه ماتبصش الا عليها جلبه دج اني خابره واللي زي بدر لما جلبه يدج حبه بيبجي واعر جوي الحب اللي
بيجي بعد كبته بيبقي النفس بيبقي الروح للجته واني حاسه بولدي وبجلبه وعيونه اللي عالبت ربنا ينوله اللي في باله 
ليسمعا كرم ينادي هتفت اعجلي اكده هاه وبطلي حديت ماسخ 
دخل كرم فوجدها قاطبه هتف يلا عشان نروحو 
هتفت هيا ينفع ابات اهنه انهارده 
هتف باندفاع لاه ماهتباتيش برات دارك 
نظرت غاضبه ليه يعني ما دي داري 
هتف لاه دي دار اهلك دارك دار جوزك ليستدير ويهتف مستنيكي بره ليتركها غاضبه فنظرت لأمها شوفتي فرعنته وجله ادبه 
ضحكت نجيه لاه دا محبه جوزك رايدك جاره يلا همي وروحي 
تنهدت اميمه وذهبت الي كرم مسك يدها وادخلها الي العربه اندفع بها الي المكان الذي اخذها فيه في السابق رجف قلبها همست انت جايبني ليه اهنه 
شدها وذهب الي الكنب وجلس وهتف ايه ماليش حج اجعد مع مرتي في حته رايجه اجعدي جلست مبتعده فضحك ايه هاكلك عاد ماباكلش عيال اني 
نظرت اليه ساخطه عيال مين دي اللي عيال 
ضحك اصلك مجموصه زي العيال 
هتفت مانت اللي زعيت فيا جدام امي والا نسيت 
هتف وانت عايزه تهملي راجلك وتجعدي في داركو 
هتفت مانت هملتني جبل سابج تفرج 
اقترب منها ت ايه ده بعد 
ضحك لاه ماهبعدش الا اما تسمعيني اني ماهملتكيش انت اني لو كت اعرف كت جطمت وانخرست 
نظرت اليه ببلاهه فهتف عارف مش فاهمه حاجه بس اني فاهم ه لتتململ ماتهمدي بقه نجعد زي بجيت الخلج في الليل ده شوفي الجمر والنجوم والدنيا رايجه مالكيش في الرومانسيه خالص 
خبطته اهمد في عينك ليك عين جمر ايه اللي هجعدله انت مخبول 
ضحك ايه ده ماتعرفيش اني مخبول ما جالولكيش اياك يا غلبانه 
بهتت ونظرت اليه لينطلق ضاحكا خبو عليكي اياك لا حول ولا جوه الا بالله 
هتفت انت مخبول صح عجلك بيه حاجه اني جولت والله 
هتف ايوه ومخبين عالناس لتنكمش وتبتعد فهتف لاه ماتخافيش بصي انا جوايا اتنين واحد بينطح اكده لما بيغضب بيتحول ويخش يجلبني عفريت زي ماشفتيني ولما الحاله تروح ارجع رايج كيف ما رجعت وتلاجيني طيب وحنين ورايد اهه ابجي كويس 
نظرت اليه ببلاهه صوح اكده والنبي طب ماتعالجتش خالص 
هتف رحت لدكاتره كتير عندي شخصيتين مابعرفش اخليهم واحد بس ابقي رايج ماحدش يعصبني عشان الشخصيه التانيه ماتطلعش ماسمعتيش عن الانفصام جبل اكده داني غلبان جوي 
ظلت صامته ليرق قلبها له همست طب طب انت من زمان اكده 
هتف لاه م جريب اني طول عمري حنين فاكره لما خدتك عالزراعيه لحالنا شوفتي كت حنين ازاي 
همست اه كت طيب جوي 
مسك يدها وبحنان شفتي اهه يعني ڠصب عني يبقي ماليش ذنب في اللي عملته يبقي ماتزعليش عاد 
همست بحنان طب اني اساعدك بايه طيب 
ابتسم فهي طيبه ورقيقه ماتعصبنيش خلاص خليني رايج اكده والا ماهتجفيش جار جوزك في مرضه هما جالو فيه علاج بس بالراحه 
همست لاه هجف جارك هعمل ايه يعني لتحني راسها فرفع راسها وهتف زعلانه اياك اني مريض وربنا بلاكي بيا 
تنهدت لاه اني راضيه بجضا ربنا بالعكس اني ارتاحت انك مش وحش اكده انت جهرتني يوم جوازنا وجولت كلام وحش جوي 
هتف ما ده التاني مش كرم يبقي ننسوه ونحاول مانطلعوش عاد 
هتفت طيب خلاص اني مش هنطح معاك تاني 
مسك يدها مين جال اكده اني رايدك تنطجي وتتكلمي امال هنعرفو بعض ازاي 
همست ونعرفو بعض ليه عاد 
ضحك مش راجل ومرته 
هتفت انت بتجول ايه انت مش عايز الجوازه دي ورحت جريت فاتحه بت عمتك 
هتف دا هو المحروج اللي جواتي االي كان ڠضبان وعمل اكده وخلاص راح لحاله وراج ومفيش ايوتها حاجه 
نظرت اليه طب الحكما جالو يعني هتخف 
هتف بصي اني تجريبا خلاص بس ساعات العصبيه بترجعني حته وحشه بس الدكاتره جالو ان خلاص جريب خالص ماعتش هيبقي فيه الا كرم واهه اديني بجول يا رب نصيبي 
نظرت اليه مسكت يده بحنان كل حاجه بيد ربنا واملنا فيه وانت اهه بتجول خير 
رفع يداها و يعني هترضي بيا واني عيان 
نظرت اليه بحنان يعني اللي انت فيه ده بيدك دا بتاع ربنا 
ابتسم انت طيبه جوي يا اميمه لتبتسم له فشدها لتخجل وتبتعد فهتف جولنا ايه عايزه تعصبيني اياك وتجيبي المحروج ده 
همست اعمل ايه 
شدها خليكي اكده في اهوه الجو حلو واحنا رايجين لتتنهد ابتسم كان يريد ان يضحك ولكنه منع نفسه سه علي راسها وقبل راسها ها اقترب من اذنها ساكته ليه 
همست اجول ايه 
هتف مضايجه من جعدتنا دي 
تنهدت و صمتت خجلا ونظر اليها اني بقه مش مضايج وحاسس ان كرم شفاه علي يد الجمر اللي بين يدي ده اقترب بوجهه منها 
همست بعد سيبني بقه 
همس لاه كرم ما عتش جادر اقترب لا فتره هكذا حتي بتعد اخيرا ظل يتاملها وهيا ساهمه ابتسم الجمر ده بتاعي بتاعي وهيفضل بتاعي حتي وقت متاخر من الليل لا يتركها ولا يفلتها ومشاعره من قربها بلا حول ولا قوه ليقوم اخيرا وهيا خجوله مشتعله واخذها

وعاد بها الي البيت لتقابلهم امه نبويه اتوخرت اكده ليه يا ولدي 
هتف فرح بقه يا اماي 
اقترب عبد الرحمن والا وبجينا رايجين ونروحو افراح العبابده من مېته 
ڠضب كرم وانت مالك يا عبدالرحمن اروح انحرج انت مالك 
اقتربت منه وتخاف عليه مسكت يده همست ماتغضبش والنبي 
ابتسم ونظر اليها ماتخافيش اني بس بتكلم عادي الټفت لعبد الرحمن العبابده نسايبنا يا عبده 
هتف عبدالرحمن طب خير انهم نسايبنا وصلتلك وخري دي اياك تنهد واستدار ليمشي تذكر شيئا ليستدير لاميمه اني حضرتلك الخيله جميله عشان تركبيها ابقي جوليلي هنروح نركبها مېته اصل الفرس فهد الي ركبناه المره اللي فاتت كت واعره عليكي بكره الصبح هركبك جميله 
هتفت ربنا يخليك يا ود عمي 
اشټعل
كرم وشعر بالڠضب الشديد شدها وصعد بها الي حجرته ودخل لتنكمش وتهتف ايه فيه ايه 
هتف غاضب ا بقي مس عارفه فيه ايه بقي البيه ركبك فرس وانبسطو اقترب وشدها من ذراعها لتصرخ جوزك بعيد وانت متسابه صوح ودايره تركبي جدام البيه هاه انطجي كان حاضنك اياك وانت مبسوطه بيه وانا اجول مالهم خدو علي بعض اكده انطجي فيه مره محترمه تركب جدام راجل غريب 
كانت تنتحب وخائفه من تحوله هتفت حرام عليك اهدي اهدي طيب والله ماحوصل انت تتهمني بالعيبه حرام عليك يا اخي دا ركبت لحالي وكان الفرس واعر ما لمسنيش ولا جه جاري اني واحده تعرف ربنا والحلال والحرام وصاينه راجلي حتي لو كان عفريت لتجهش بالبكاء شعر بالخجل من اندفاعه لم يعلم ماذا يفعل ابتعد وجلس حانيا راسه ظل فتره اقترب ومسك يدها لتدفعه بعد بقه انت ايه 
هتف اجول ايه مش غضبتيني اهوه اللي حصل صفحه حكايات ميفو 
نظرت اليه بلين طفولي همست يا سلام يعني ه و التاني ده طايح اكده ماحدش يجدر يجفله 
جدري اعمل ايه انزل اجبلك امي وابوي يجلولك بعمل فيهم ايه لتنظر اليه قاطبه شدها طب تعالي اشهد ابوي جايز تصدجيني 
سحبت يدها لاه خلاص 
هتف يعني خلاص مش زعلانه 
هتفت انت وحش جوي لما بتجلب اكده واني بخاف مره تعمل فيا حاجه 
لاه كلو الا دي اني بروحي حد يأذيكي 
همست طب والنبي ابقي فكر الاول ماتتعصبش اكده وتطلعلي العفريت ده 
ضحك عفريت صوح خلاص بقه ماتزعليش اني محجوجلك 
هتفت طب خلاص روح نام في مجعدك وريح تصبح علي خير واستدارت لتلبس ملابسها ودخلت الحمام 
ظل واقفا اروح انام واصبح علي خير البت دي هبله صوح ايوه هبله ماهي صدجت العبط اللي بجوله ضحك هو فيه حد طيب اكده اتنين ايه وڠضب ايه بس اعمل ايه اديني هبدت اي حاجه لاجل تلين وماترمحش كيف الجطر وتبعد تنهد طب ايه هفضل جدامها ملبوس لمېته ليبتسم بخبث طب ماده كويس اشتغلها في العبط جايز تنبط وتهمد وتلين الا البت جمر منور 
كانت هيا بالداخل تغير ملابسها لتلبس قميصا بيتيا جميلا وتركت شعرها لتجلس تفكر ايه هو غلبان ليه اكده ربنا يشفيه لما بيكون طيب بيبجي حنين جوي بس جلبته وحشه جوي طب يا اميمه هتعملي ايه دا راجلك مريض هتهمليه لتتنهد لاه ماهملهوش هقف جاره ربنا جال اكده والست الاصيله تقف جنب راجلها وماهفضحوش اني حتي لو هيهملني بعدين